ഉറക്കം???

എവിടെയും മത്സരമാണ്..

മിനാരങ്ങള്‍ ആകാശം തൊടുവിക്കാന്‍..

ശ്രീകോവിലുകള്‍ ജ്വല്ലരികളെ വെല്ലാന്‍..

പള്ളികളെ മാര്‍ബിള്‍ മഹലുകളാക്കാന്‍...

     എന്റെ കണ്ണുകള്‍ തെരുവിനെ കണ്ടു;

     ശൂന്യതയെ വസ്ത്രമാക്കുന്ന യുവതികളെ,

     ഇരുട്ടിന്റെ മറവില്‍ ഇര പിടിക്കുന്ന ചെന്നായ്ക്കളെ,

     പണത്തെ പൂജിച്ചു മനുഷ്യതത്തെ ബലി കൊടുക്കുന്നവരെ,

     കണ്ണുകളും നിശബ്ദമായി...

ഞാന്‍ അത്ഭുതപ്പെട്ടില്ല ;

ഓട്ടോമാറ്റിക് ഏ.സിയുടെ ശീതളിമയില്‍ ,

മനസ്സിനെ ത്രസിപ്പിക്കുന്ന അത്തറിന്റെ സുഗന്ധിമയില്‍ ,

പട്ടിന്റെ മൃദുലതയില്‍ , 

ദൈവവും ഉറങ്ങിക്കാണും..

അല്ലെങ്കില്‍ ഉറക്കം നടിക്കയാവും...