എന്‍റെ പ്രണയിനിക്ക്..

മുനിഞ്ഞു കത്തുന്ന വിളക്കിന്‍റെ ചെറുശോഭയില്‍

വെളിച്ചം ഇരുട്ടിനെ കീഴ്പെടുത്തുംപോഴും

എന്‍റെ മിഴികളില്‍ കറുപ്പ് മാത്രം..

തിളച്ചു മറിയുന്ന ഹൃദയരക്തത്തിന്റെ തീവ്രതയിലും
 മനസ്സ് ആര്‍ദ്രമാകുന്നു..

നിറഞ്ഞു പെയ്യുന്ന ഈ തുലാമഴയോടൊപ്പം 

എന്‍റെ കണ്ണുനീരും കടലിലേക്ക്‌ ഒലിച്ചു പോകട്ടെ..

നാളെ,

പുതുമഴയുടെ സൗന്ദര്യമായി

അത് നിന്‍റെ നാസാരന്ധ്രങ്ങളെ പുല്‍കുമ്പോള്‍ 

ഓര്‍ക്കുക;

ഞാനെന്ന സത്യത്തെ...

എന്‍റെ പ്രണയത്തെ...